Bakgrunnen for planarbeidet er regjeringa sitt vedtak om å utarbeida nye traséar for E16 og dobbeltspora jernbane for strekninga Arna – Stanghelle.

Statleg reguleringsplan for prosjektet vart vedtatt 1. april 2022 og vil ha verknad for utviklinga av Stanghelle og Helle.

I samband med vedtaket vart tiltak for bane og veg avklart og prosjektet legg viktige premiss for områdeplanen og utforminga av eit nytt Stanghelle sentrum.

Føremålet med planen er å leggja til rette for at stasjonsbyen Stanghelle kan veksa og bli utvikla vidare til ein fleirfunksjonell stad med bustadar, næring, handel, offentleg og privat tenesteyting, blågrøne strukturar, møteplassar, friluftsliv og naturopplevingar.

Stanghelle vert planlagt for ei framtidig auke i folketal og tilreisande, og utviklinga skal bli forankra i staden sin natur og lokale historie.

Forslagsstillar er Vaksdal kommune, med plankonsulent Henning Larsen/Rambøll.