Banebrytande IKT-samarbeid i Vestland transformerer kommunane

13, og snart 15,  kommunar i Vestland har etablert eit særs godt digitaliserings- og IKT-driftssamarbeid. Sidan oppstarten i 2011 har vi gått frå å standardisere system til å samarbeide om utviklingsarbeid. Vi jobbar kontinuerleg med utvikling for å møte det aukande tempoet i digitaliseringa, kravet frå styresmaktene og forventningane til innbyggarane. Tryggleik og effektivisering er sjølvsagt sentralt i alt vårt arbeid.

Frå drift og standardisering til digitalisering og samhandling

Frå starten med ni kommunar som etablerte ei felles IKT-eining, har vi no vakse til 13 kommunar, og i løpet av 2025 blir vi 15 kommunar.  Samarbeidet  vårt er organisert i to einingar: IKT-drift (IKTNH) og digitalisering og innovasjon (DI).

Her blir det gjort arbeid som ikkje ville vore berekraftig for kvar enkelt kommune åleine. Vaksdal kommune er ein av kommunane i samarbeidet.

Kommunane styrer utviklingsarbeidet

Lars Tveit og Thomas Rønn Aar leier høvesvis Digitalisering og Innovasjon (DI) og IKTNH. Dei samarbeider tett og godt, noko som er avgjerande for suksessen vår. 

- Vi har bygd stein på stein med fellesløysingar, og utan dette ville det vore vanskeleg å oppnå det gode digitaliserings- og utviklingsarbeidet vi har i dag. 
Det er viktig å påpeike at det er kommunane sjølv som har styringa. IKTNH og DI utfører på vegner av kommunane, men det er kommunane sjølv som bestemmer farten, kva som skal gjerast og korleis vi skal gjere det.

Gode rekrutteringsmoglegheitar

Det at vi samlar ressursane og bygger fagmiljø gjer at vi kan rekruttere kompetente folk, og behalde dei. Dette gjeld sjølv folk med svært etterspurd kompetanse.

Vi utnyttar kompetanse og ressursar på tvers av kommunegrenser

For å kunne levere på dei krava som blir stilte til oss trengst mykje spesialkompetanse. Det er ikkje mogleg for ein liten kommune å vere på topp innan alle område. I fellesskapen vår deler vi på fagekspertisen slik at alle kommunane kan levere tenestene på best mogleg måte.

Her er eksempel på nokre større fellesprosjekt som er gjennomført eller er i gang:

  • Felles kontaktsenter
  • Nytt saksbehandlingssystem
  • Helse og omsorgsløysingar
  • Innbyggarportalar for alle kommunane, med klarspråkarbeid og mediebank-løysing
  • Digitale skjema

Drivkraft for innovasjon og utvikling

Samarbeidet vårt gir oss langt meir enn teknologiske løysingar – det er ein katalysator for innovasjon og utvikling.

Ei felles plattform gir oss store moglegheiter for utvikling, innovasjon og betre tenester for innbyggarane.

Felles kontaktsenter - eit godt døme på moglegheitsrommet i samarbeidet vårt

Kontaktsenteret er eit virtuelt samarbeid der fleire kommunar har ein tenestefellesskap i knytt til betening av innbyggarar. Tre kommunar kom i drift  i september 2021, med basis i eksisterande felles system og samhandlingsplattform. I november 2025 blir vi seks kommunar i kontaktsenteret. (Gulen, Osterøy, Samnanger, Aurland, Vaksdal og Sveio).

Dette samarbeidet gir meirverdi mellom anna i forhold til profesjonalisering av arbeidet, redusert sårbarheit, kompetansebygging og fagleg fellesskap. I tillegg gir det betre og meir effektive arbeidsdagar for dei tilsette.

Samarbeidet og tempoet påvirker kommunane positivt

Vi har eit høgt tempo, og det at vi har det tempoet skaper i seg sjølv endring og endringsvilje i kommunane. Du trenar på endringsmuskelen heile tida. Det å utfordre organisasjonen, røske litt opp i det som har sett seg, det gir fornyingsenergi som gir mykje glede, engasjement og eit grunnlag for endringsvilje. 
Det å bli vant til å samhandle med andre skaper og ein gevinst og ein giv i kommunane. Våre tilsette får eit stort interkommunalt fagnettverk dei kan samhandle og jobbe saman med i staden for å sitte åleine i kommunen sin. 

Dette er kommunane i IKTNH - samarbeidet

Når kommuneøkonomien er pressa og behovet for kompetanse er stort, er samarbeid nøkkelen.

Gjennom samarbeidet vårt står vi sterkare i utviklinga av framtidas gode og berekraftige tenester for innbyggarane våre.

 

 

Etne kommune og Vindafjord kommune er på veg inn i samarbeidet vårt hausten 2025.

Foto: Eivind Senneset og Vaksdal kommune

Formidlet med DigiStory